‘n Lekker Dik Brief

skryf is kreatief

Daar’s niks so lekker soos ‘n brief, ‘n dikke oor die see….

Wie is Sonja?

Sonja was my beste maaitjie oorkant die straat in Westdene. My pa het sy droom pos gekry, en oor die see moes ons bly.

Ek en Sonja het voorwaar ‘n ‘nie-amptelike’ kompetisie gehad oor wie se brief die dikste sou wees.( Dis in die dae toe mens nog geweet het, hoe daai klein vierkantige papiertjie met die voëltjie op, proe….terloops, deesdae is dit ‘stickers’….ja, ek praat van seëls, as jy dalk nie kon aflei nie…mens moes dit lek!)

Dis waar my nie -amptelik skryf loopbaan begin het…later was dit die tweeling in New York se briewe….persoonlik dink ek my briewe was die dikste! 🙂

Wanneer laas het jy ‘n regte brief geskryf op papier…en kan jy onthou hoe lekker dit was om een te ontvang? Is? Kry jy nog regte briewe??