Liefdestale…Daar’s vyf…My man sê: “Daar’s net een!”

Liefdestale …Daar’s vyf …My man sê, “Daar’s net een!”

Mens vind heelwat baat deur te verstaan wat jou en jou maat se liefdestaal is.

 Die staaltjie gaan so: van kleins af sien jy as seun pa bring sjokolade huis toe vir ma, en kry ‘n klapsoen…of dalk ‘n fraanse een… ma is heel aand genooë en harmonie vloei tot jy later giggles deur die kamermuur hoor….gevolgtrekking ….sjokolade werk wonders!

Jare later koop jy, blinkoog vir jou vrou Lindt en sê  sy “Uh, dankie”…vergeet daarvan en eet jy dit  verlsae later…met die kinders. Geen soen vir jou nie… “ What went wrong?”

Alhoewel sy dalk die chocolates waardeer, wens sy eerder dat jy haar nuwe makeup moes agterkom, en vir haar sou sê:

“ Wow maar jy’s mooi”

Weet jy wat jou liefdestaal is?

Kan jy dit verduidelik aan iemand anders, sodat julle mekaar beter kan verstaan en liefhê?

5 Liefdestale (My man sê,  “Daar’s net een!”

• Opbouende woorde
• Kwaliteit tyd
• Geskenke
• Dade van diens
• Fisiese aanraking

So bv. jou vrou (nie jou ma) voel geliefd as jy: vir haar ‘n kompliment gee MEER as wat jy sjokolades huis toe dra. Jy kan dus ‘n leeftyd van sjokolades aandra, maar as haar liefdestaal opbouende woorde is, en jy nie gereeld haar emmer vol maak met bemoediging, bewondering, ondersteunende woorde… gaan daai sjokolades smelt saam met jou goeie bedoelinge!

Boek: The 5 Love Languages: The Secret to Love that Lasts

Nou maar goed: ek het die boek jare terug gelees, en moet erken, my man was reg. Dit het my gehelp om myself beter te verstaan. Okei: My liefdestale is opbouende woorde, en dade van diens. Ja, mens kan meer as een hê. So ‘n tipiese voorbeeld van Loli Ke Nolli se lewe gaan só: Sien my nuwe ligter as ligte , sagter as sag pienk naellak raak en sê dit…dan voel ek spesiaal. Kom dit nie agter nie….dan begin ek wonder … (ek weet dis complicated….maar niemand het gesê vrouens IS NIE)

MAAAAAAAR tipies gee mens ook liefde, in die taal wat jy dit graag ontvang. So, bv. ek deel graag woorde uit, en geniet dit om mense op te bou….en ja, ek is ‘n sucker vir dade van diens. ( Ek sê sucker, omdat mens kan BAIE maklik te veel dinge/projekte/liefdadigheidswerk aanneem…omdat dit jou eintlik beter of dan nou, ‘liefdevol’ laat voel)

Die boek is insiggewend omdat die probleem kom in, wanneer jy nie verstaan hoekom jou maat dan kan voel ” Hy is nie LIEF vir my nie”

 Jy ‘voel’ dalk geliefd as hy kwaliteit tyd saam jou spandeer, VEEL meer as wat hy dit sê. Of die sjokolades help, maar was liewer die skottelgoed vir my OF ” Nee, Loli, hy hoef niks te doen nie, ek voel die heel spesiaalste as hy my bederf met…sjokolades!”

So, alhowel ek verstaan wat my man bedoel met Een taal…voel ek tog, ja vrouens het sovéél meer nodig!